Stoi przede mna moja kobiyta,
Wielgo i rubo i gupio pita,
Stoi, sie gawczy, stoi i sucho,
Hica z gorkiego ji brzucha bucho!
Tak narobiola sie ta boroczka
Juz od polednia po samo nocka:

Po piyrsze: klupala wszystkie tepichy
Kloprym, co wcale niy bol tak cichy,

Po drugie mitak narychtowala -
Kluski, rolady, tak sie starala,

Po trzecie: wyprala colutkie pranie,
Potym sie wziena za biglowanie,

Po czworte: okna umyla bryna,
A fynstebrety tyz ja niy mina,

Po piate: jo niy móg boch zdychol chory,
Skludziola na hasiok stare klamory,

Wyszorowala piyknie deliny,
Naszpanowala wszystkie gardiny,
Zrobiola rojmung w naszym wertiko,
Wyciepla kotka, bo bola dziko,

Do szranku wraziola kule na mole,
Wytarla kronlojchter jak stola na stole,
Wypucowala wszystkie szczewiki,
Przetkala haziel i inksze guliki,
Slazla do sklepu do mie po piwo,
Gawczy sie na mie i niy odzywo!!!
I chocby przilazlo 1000 ciucmoków,
I kozdy by zezar 1000 krupnioków,
I kozdy by móg sie tak starac a starac,
Niy dadza sie rady - tako mo para!!!

Naroz trzask, potym chlast,
Ona siup! Jo juz trup!!!

Nojprzód po leku kusiki slodziutkie,
Kilanie, lizanie, roz dugie, roz krótkie
I pepek, cycuszki, paluszki u nózki ,
I juzas dziubeczki, i oczka, i uszki,
Jo szwongnol sie gibko, a ona na stole,
I juzas kilanie, szczypanie, kusiole,
Na wiyrchu, na dole, do zadku i w przód,
I gibko i drabko, bo twardy jak drut,
O sciana, o byfyj, o dzwiyrze, o szrank,
I juzas od nowa, i mom to na bank,
Ze byda miol afka, a ona - minetka,
Bo tako maszkietno ta moja kobiytka ,
Juz ona jak kachlok, jo blank ogupialy,
Do ucha mi ryczy, dyrgotom juz caly,
I driny, i nazod, i szlus, i jo sloz.
A ona : "Dziubeczku, jo chca jeszcze roz"!!!

Pon Hilary łod niedzieli
Po chałupie szuko breli.
Szuko w gaciach i kabocie,
Kiery wdzioł przi robocie,

Obmacuje badehołzy,
Z geburtstagu, ... te od Rozy.
Potym skoczoł na gylynder,
Żeby pojrzeć na blumsztynder.

Szukoł w szranku i byfyju,
I w piwnicy i antryju,
W zeloźnioku i kachloku.
Pod delinom i w parzoku.

Nawet za wertikym w siyni,
Ale bryle diobli wziyni.
Już go wszelko chynć opadła,
Naroz pojrzoł se do zdrzadła,

I pomyśloł Ty ramolu,
Dyć je nosisz na kicholu.

Uwe i Wili w jednej stali wili,
Uwe na wierchu, a Wili na dole.
Uwe spokojny nie wadzi nikomu,
a Wili wyrabiol choby we stodole.

To pies, to hazok, ciepal w nim ryczkami,
Gupiol i turpiol durch trzaskol dzwierzami.
A kady szczykac naczal z gazpatronów,
To dymu pelno bylo w colkim domu

Uwe sie wnerwil i slozl na dól do niego
I pado: "Wili, jo nie strzymia tego!"

A Wili na to: "Co komu do jemu, a jemu do komu,
Ty gizdzie pieronski, jo jest w swoim domu."

Uwe po gowie poskrobal sie ino,
Poszol do siebie i cos medytowal...

Rano Wili jeszcze na szezlongu chrapie,
Naraz mu cos z gipsdeli na kichol kapie.
Serwal sie Wili, leci ku górze.
Stuk! Puk! Zamknione!

Filuje se przez dziurka: Hen Jezu, calo izba w wodzie,
A Uwe se siedzi z wedka na komodzie.

"Was machts du, Uwe", "Jo se fisza lowie"
"Du bist Idiot, mnie kapie na gowe!"
A Uwe mu na to: "Co komu do jemu, a jemu do komu,
Ty gizdzie pieronski, jo se w swoim domu."